Umetan ez zen oso ondo bizi izan Joxe Mari, gaztetan arazo larriak izan zituen. Eta orduan edanari eman zion, mozkortu egiten zen penak ahazteko. Horregatik deitzen zioten Balantx. Herriko mutiko gaiztoek iseka egiten zioten. Baina eskerrak Hodei eta bere lagunei. Haiek lagundu baitzioten Joxe Mariri mozkortu gabe eta zoriontsu bizitzen.

Oiartzunen jaio zen 1954an. Lanbidez irakaslea. Oiartzungo bertso eskolaren sortzaile eta irakasle. Gipuzkoako Ikastolen Elkartean hiru urtez lanean aritua, "Bertsolaritza Irakaskuntzan" proiektuan. Hainbat ikaslibururen egilea, beste zenbait idazlerekin elkarlanean. Bertso paper edo bertso jarri askoren egile. Haur literaturako liburuak idazten ditu, batez ere. Horien artean: Pelu (1997, Elkar); Haize orratza (1997, Elkar); Bazen behin, behin bazen (1998, Elkar); Balantx (1999, Elkar); Kilikolore (2000, Elkar); Emozioen kuliska (2002, Elkar); Kaixo, Kattin! (2003, Elkar; Pirtzina zilborrean (2004, Elkar); Nire ahizpa aluita (2007, Elkar); Atearen atzean (2007, Elkar); Olatuak loretan (2008, Elkar) eta azkena Aurpegiko ubeldurak (2010, Elkar).