Pirritxek eta Porrotxek badute lagun handi bat, argazkizale amorratua dena: Nerea. Zazpi urte bete zituen egunean, meriendatzera gonbidatu zituen Nereak Pirritx eta Porrotx, eta hauek argazki-album bat oparitu zioten, argazkiak txukun-txukun jartzeko. Nereak, argazkiak albumean jartzen dituen bitartean, bere bizitzari, eta gurasoenari, errepasoa emango dio. Hala jakingo dugu, argazkiz argazki, gurasoak banandu egin zitzaizkiola Nereari, eta horrek zer sentimendu eta pentsamendu eragin zizkion ere bai. Bizitza honetan gauza tristeak ere gertatzen dira; halakoetan, pentsatzen jartzen gara, eta horixe adierazten digu Nereak, gauzak ulertuz errazago gainditzen direla arazoak. Pirritx eta Porrotx lagunak zer inportanteak diren erakutsiko digute beste behin, eta tristuraldietan ere irribarre egiten jakin behar dela ikasiko dugu.

Mitxel Murua, 1961 (Zarautz). Haur eta gazteei zuzenduriko literatur lanak argitaratu ditu batez ere, besteak beste: Maripuzker (2002), Pello Telleriaren amets eroak (2006), Ziripot eta Miel Otxin (2008), Hiritik mendira (2008), Mari Domingi eta Olentzero (2008), Martin Txiki eta Basajaunak (2008), Zapatillak eta galtzak (2008), Jon Zikinen anaia (2008). Aipatzekoa da, gainera, Pirritx eta Porrotx pailazoen ipuinen egilea dela: Pirritx eta Porrotx arrantzan, Herriko postariak, Gorka konpontzailea, Nerearen argazki albuma, Tiderrekin tea hartzen, Agur Pakito!, Pirritx eta Porrotx sukaldean, Ane pirata eta Pirata ausartak.