Lehenengo zigarrotik lehenbiziko ezkontzara, aurreneko desilusiotik zaputzaldian instalatzera, intentsitate bereziz jantzitako zazpi istorio ehundu ditu Katixa Agirrek bere estreinako narrazio-bilduma honetan, gaztaro mitifikatuaren muga lanbrotsuak heldutasun harrigarriz marraztuz.

Gizakion larrialdiak, interes-talkak, komunikazio-arazoak, harremanen arrakalak azaltzen zaizkigu ipuinotan, kontatzailearen trebezia erakusten duen soiltasun dotorearekin, noiz umore gaiztoa noiz ironia mehea erabiliz, begirada zorrotzaren eta gupidaren arteko orekarekin jokatuz uneoro.