Ipuin, olerki eta bertsoz osaturik dago liburu hau. Arrakasta handia izan zuen duela urte batzuk 7-8 urteko haurrentzat, irakurgai bezala, Zipriztin 2 izenarekin argitaratu zenean. Haur eta irakasleen oso gustukoa izan zen orduan. Xaguxar sailean argitaratzen dugu orain. Ipuinik gehienetan haurrak dira protagonistak. Bertsoak eta olerkiak ere xinpleak eta bixi-bixiak dira. Liburu honek ez dugu uste inor aspertuko duenik.