Errosario Iruarrizaga hil berri da, Sarasketaren alarguna, Donostiako familia aberatsenetako bateko kidea. Testamentu irakurketara azaldu dira haren seme-errainak eta bilobak; ugariak dira utzi dizkien ondasunak, baina, horra non jakin duten bat-batean, amona ez zela berez hil, norbaitek hil duela. Jon Bidart detektibe bipila hasiko da ikerketan, eta aurki ohartuko inor ez dela dirudien bezain garbi eta errugabea. Hortik aurrera, bata bestearen atzetik etorriko dira ustekabeak, baita heriotza gehiago ere…

Gotzon Garate Goihartzun (Elgoibar, 1934-Bilbo, 2008). Josulaguna. Filosofian doktore Madrilen, teologian lizentziatua Innsbrucken, filologia erromanikoan ere lizentziatua Deustun; Euskal Filologia ikasketak abiarazi zituen Deustuko Unibertsitatean. Hainbat hizkuntza ikasi zuen, baina euskarari eman zizkion bere onenak: saiakerak idatzi zituen (marxismoaren ingurukoak hasiera batean, eta euskal hizkuntza eta literaturari buruzkoak gero); lexikografian ahaztu ezinezkoa da Atsotitzak bilduma handia; eta horiez gain dozenatik gora kronika, ipuin-bilduma eta eleberri, polizi nobelak batik bat, hala nola: Esku leuna, Goizuetako ezkongaiak, Elizondoko eskutitzak, Izurri berria, Alaba, India harrigarria, Zakurra zeure laguna.