Abenturazko eleberriaren klasiko handienetako bat da Robinson Crusoe, mila bertsio, itzulpen, laburpen, komikirako nahiz zinemarako moldaketa eta abar sorrarazi dituena. Izan ere, uharte huts batera iritsi eta bizimodua bere kasa atera behar duen naufragoaren irudiak indar berezia du guztion ikonografian.

Daniel Defoe (1660-1731). Merkatari, ekonomilari, kazetari, espioi eta eleberrigile ingelesa. Gorabeheraz, bidaiaz eta intriga politikoz beteriko bizitza izan zuen. Oparo idatzi zuen: satira eta libeloak, moralari, politikari nahiz ekonomiari buruzko saiakerak, baita eleberrriak ere, eta berauei esker iritsi da gure artera, generoaren sortzaileetakoa izan baitzen, idazkera arin eta ez oso zaindua izan arren istorio biziak eta pertsonaia gogoangarriak sortu zituena. Honakoaz gain, Captain Singleton, Moll Flanders, A Journal of the Plague Year.