Risky aski ezaguna da dagoeneko gaztetxoen artean. Oso ospetsuak egin dira bere koadrillako barrabaskeriak. Hainbeste egin dituzte, ezen horiek denak kontatzeko ez baita nahikoa izan liburu bat, eta ezta bi ere, hirugarren bat ere behar izan dute. Riskyren irasleak eta gurasoak harrituta daude; esaten dute Riskyk ez duela batere ganorarik eskolako lanak egiteko, eta ea nola den posible hainbeste liburu idaztea. Riskyk, Gomaxek eta koadrillako beste guztiek irribarre maleziotsua egiten dute orduan; esaten dute liburuak idaztea ere barrabaskeria dela, dibertigarria dela oso. Arazoa ez baita lana egitea, aspertzea baizik. Eta Risky, Gomax eta besteak edozer gauzatarako daude prest…, baldin eta aspertzen ez badira.