Isadora Duncan 1877an jaio zen, Estatu Batuetan, eta 50 urte beranduago hil, Europan. Tartean, esperientziaz, sentimenduz eta artez beteriko bizitza eraman zuen. Dantzaren mundua goitik behera irauli zuen, ballet klasikoaren ordez dantzaera naturalagoa sortuz, baina bizimodu eta ohituretan ere iraultza eta eskandalua sortu ohi zituen, ezkontzeari beti uko eginez eta harreman sexual ugari izanez. Biografia zirraragarria zinez, film baten antzekoa.

Jasone Osoro (Elgoibar, 1971). Kazetaria da lanbidez. Prentsan eta telebistan lan egin du. Literaturan bi ipuin liburu idatzi ditu: Tentazioak eta Korapiloak. Nobela bat: Greta. Biografia bat: Isadora Duncan. Eta gazte-literaturan bi nobela: Jara eta Jara Bartzelonan.